Arpaçay su anbarının və Sutəmizləyici Qurğular Kompleksinin ətrafında dərmanlama, dezinfeksiya işləri aparılmışdır

Tədbirlər planına uyğun olaraq Naxçıvan Muxtar Respublikası  Ekologiya və Təbii Sərvətlər Nazirliyinin təşkilatçılığı və Şərur rayon Gigiyena və Epidemiologiya şöbəsinin iştirakı ilə birgə Arpaçay su anbarının və Sutəmizləyici Qurğular Kompleksinin ətrafında dərmanlama, dezinfeksiya işləri aparılmışdır.
 İçməli suların keyfiyyətinin öyrənilməsi məqsədilə Şərur şəhər Sutəmizləyici Qurğular Kompleksinin çıxış hissəsindən ayda iki dəfə olmaqla su nümunələri götürülmüş pH-ı, temperaturu, bulanıqlığı, anion və kationların və digər elementlərin miqdarı öyrənilmişdir. 
 Həmçinin Sədərək rayon Su Monitorinq Laboratoriyasında, Araz və Arpaçayın muxtar respublika ərazisinə daxil olan hissəsindən və “Şir arxı” dan götürülmüş su nümunələrində suların ilkin analizi, ağır metalların miqdarı və eyni zamanda radioaktivliyi təyin etmək məqsədilə analizlər aparılmışdır.
 Aparılmış analizlərdə sularda çirklənmə hallarının yol verilən qatılıq həddini keçmədiyi və ekoloji tələblərə uyğun olduğu müəyyən edilmişdir.
Təlimata uyğun olaraq bu kimi tədbirlər bundan sonra da  keçiriləcəkdir.