Təmizlik aksiyası keçirilib

Naxçıvan şəhər dairəvi avtomobil yolunun ətrafındakı yaşıllıq zolaqlarında təmizlik aksiyası keçirilib.

“Şəhərsalma və Memarlıq İli” çərçivəsində Naxçıvan Muxtar Respublikasının Ekologiya və Təbii Sərvətlər Nazirliyinin təşkilatçılığı və Naxçıvan Şəhər İcra Hakimiyyətinin dəstəyi ilə keçirilən aksiyada Nazirliyin və tabeli qurumlarının əməkdaşları iştirak ediblər.

Aksiya zamanı yaşıllıq zolaqları ümumilikdə 150 kiloqramdan artıq tullantıdan təmizlənib.

Aksiya ətraf mühitin mühafizəsinə diqqətin artırılması və təmiz ətraf mühitin təşviqi məqsədi daşıyıb.

Vətəndaşları təbiətə həssas yanaşmağa, məişət tullantılarını yol kənarlarına və yaşıllıq sahələrinə atmamağa, tullantıları yalnız təyinatı üzrə ayrılmış yerlərə atmağa çağırırıq.

#ətrafmühitiqoruyaq #təbiətibirgəqoruyaq #etsn #ekokönüllülər #təmizlikaksiyası