Boyəhməd III və IV mineral bulaqları
Yerləşdiyi ərazi
Boyəhməd III və IV mineral bulaqları Culfa rayonunun Boyəhməd kəndi ərazisində, dəniz səviyyəsindən 1874 metr yüksəklikdə yerləşir
Tərkibi
Aparılmış təhlillərin nəticələrinə əsasən, hər iki bulaq hidrokarbonatlı tərkibə malikdir. Suların tərkibində natrium və kalium (Na⁺+K⁺), kalsium (Ca²⁺), maqnezium (Mg²⁺), xlorid (Cl⁻), sulfat (SO₄²⁻) və hidrokarbonat (HCO₃⁻) ionları müəyyən edilmiş, karbonatın (CO₃²⁻) miqdarı isə hər iki bulaqda 0 olaraq qeydə alınmışdır. Boyəhməd III bulağı minerallaşma baxımından Boyəhməd IV bulağından daha yüksək göstəricilərə malikdir.
Minerallaşma və ümumi codluq
Boyəhməd III mineral bulağında minerallaşma 5419, ümumi codluq 36.25; Boyəhməd IV mineral bulağında isə minerallaşma 1795, ümumi codluq 21.08 təşkil edir. Hər iki bulaqda aparılan analizlər zamanı nitrit (NO₂⁻) və ammonium (NH₄⁺) aşkar edilməmişdir.
Orqanoleptik xüsusiyyətləri
Hər iki bulaq suyu qoxusuz və şəffafdır. Boyəhməd III mineral bulağı duzlu, Boyəhməd IV mineral bulağı isə şirin dada malikdir.
pH göstəricisi
pH 7.8 və 7.5
Google Maps linki
