Abbasov   Ramiq  İlyas  oğlu 4 oktyabr  1974-cü  ildə  Naxçıvan  Muxtar  Respublikasının  Şərur  rayonunun   Çərçiboğan  kəndində   anadan  olmuşdur. 1981-ci  ildə  Çərçiboğan  kənd  tam  orta   məktəbinin  1-ci  sinfinə daxil  olmuşdur. 1991-ci  ildə  orta  məktəbi  bitirib , 1992-ci  ildə  Şərur  rayonunun  Hərbi  Komissarlığı  tərəfindən  həqiqi  hərbi  xidmətə  çağrılır. Hərbi  xidmətin  14  ayını  Culfa  royonunda  keçirmiş , sonra  isə  Sədərə  rayonuna  göndərilir. Sədərək  rayonunda  Günnüt  kəndi  yaxınlığında  Qurtbaba  yüksəliyi  uğrunda  gedən  döyüşlərdə  qəhrəmanlıqla   şəhid  olan  6  nəfərdən  biri  də  Ramiq  Abbasovdur.

           Xidmət  etdiyi  hərbi  hissənin  komandiri  mərhum  Elşad  Nağıyevin  və  qərərgah  rəisi  kapitan  E. Süleymanovun  Ramiqin  valideyinlərinə  göndərdikləri 29.05.1994-cü il tarixli , 68 №-li  məktubunda  yazmışdı : oğlunuz  Ramiq  Abbasov   rus  və  erməni  birləşmələrinin  hücumu  nəticəsində  şəhid  olub.

Abbasov   Ramiq  İlyas oğlunun nəşi Şərur rayon Şəhidlər Xiyabanında dəfn olunmuşdur.