Cəfərov  Nəzmi Orucəli oğlu 15 avqust 1974-cü  ildə Şərur  rayonunun Tənənəm  kəndində anadan  olmuşdur. 1981-ci ildə Tənənəm  kənd  orta  məktəbinin  I  sinfinə daxil olmuş, 1991-ci ildə orta məktəbi bitirmişdir.
        Nəzmi Cəfərov orta məktəbi bitirdikdən sonra üzümçülük sovxozunda fəhlə işləmişdir.
        Çağrış  yaşı çatdığı üçün 28  sentyabr 1993-cü  ildə milli ordu sıralarında həqiqi hərbi xidmətə çağırılıb. Nəzmi, əvvəlcə Naxçıvan şəhərindəki “N” saylı hərbi hissədə əsgəri xidmətə başlayıb, sonra Cəfərov  Nəzmi hərbi kurs təlimini başa vurduqdan sonra 25 aprel 1994-cü ildə dağlıq qarabağ bölgəsinə göndərilir.  Ağdam rayonunun aşağı Qəvrənd, yuxarı Qəvrənd, Xındırıstan  kəndləri uğurunda, habelə  Tərtər istiqamətində gedən ağır döyüşlərdə iştirak edir.
        Nəzmi Cəfərov sonralar Tovuz rayonunda xidməti vəzifəsini davam etdirir. Nəzmi, 13 fevral 1995-ci ildə həmin bölgədə xidməti vəzifəsini yerinə yetirərkən qəhramanlıqla şəhidlik zirvəsinə yüksəlmişdir.

Şəhidimiz Cəfərov  Nəzminin nəşi Şərur rayon Tənənəm kənd qəbirstanlığında dəfn olunmuşdur.