Məhəmməd Nurəddin oğlu Əliyev 18.07.1973-ci ildə Kəngərli rayonu Xok kəndində anadan olmuşdur. 1980-1990-cı illərdə Xok kənd orta məktəbində təhsil alıb. Daha sonra 187 saylı Texniki Peşə məktəbində  çilingərlik peşəsinə yiyələnib. 02.06.1992-ci ildə həqiqi hərbi xidmət hərbi qulluqçusu kimi xidmətə başlamışdır. Sədərəkdə Mil dağı uğrunda gedən döyüşlərdə  aktiv iştirak etmişdir. Döyüşlərdə bir neçə dəfə ağır yaralanmışdır. 20 sentyabr 1992-ci ildə Mil dağı ətrafında, döyüş mövqeyində düşmənin atdığı minamyot zərbəsindən ağır yaralanmış və həmin günü də şəhidlik zirvəsinə ucalmışdır. Xok kənd qəbiristanlığında dəfn olunmuşdur