Həsənov Yaqub Bəhmən oğlu 9 noyabr 1966-cı ildə Naxçıvan Muxtar Respublikası Şərur rayon Yuxarı Yaycı kəndində anadan olmuşdur.

İlk təhsilini Yuxarı Yaycı kəndində alan Yaqub Məktəbi bitirdikdən sonra 1985-ci ildə həqiqi hərbi xidmətə çağırılmışdır. Hərbi xidməti başa çatdıqdan sonra polis orqanlarında xidmət etməyə başlayıb. O vaxtlar Azərbaycanın üzərində olan qara buludlar Yaqubu bir vətənpərvər oğul kimi narahat edirdi. 1994-cü ildə xidməti vəzifələrinin icrası zamanı qəhrəmancasına şəhidlik zirvəsinə ucalmışdır. Həsənov Yaqub Bəhman oğlunun döyüş yolu qiymətləndirilərək təhsil aldığı Yuxarı Yaycı kənd tam orta məktəbinə onun adı verilmişdir.

   Şəhid Həsənov Yaqub Bəhmən oğlunun nəşi Şərur rayon Yuxarı Yaycı kənd qəbirstanlığında dəfn olunmuşdur.