İsmayılov Səməd İbrahim oğlu 1963-cu ildə Babək rayon Nehrəm kəndində anadan olub. Səməd İsmayılov Kazan Texnologiya İnstitutuna daxil olub, bir müddət sonra təhsilini Moskvada eyni istiqamətli institutda davam etdirir.
Moskvada oxuyarkən erməni müəllimin ona qarşı haqsız münasibəti Səmədi institutdan çıxmağa məcbur edir.Moskvadan Bakıya qayıdan Səməd İsmayılov burada Məişət Maşınları Zavodunda işə düzəlir. Qarabağda müharibə başlayanda Səməd İsmayılov döyüşlərdə könüllü iştirak etmək üçün ön cəbhəyə yollanır.1994-cü il yanvar ayının 28-də Füzuli rayonunun Şişqaya yüksəkliyi uğrunda gedən döyüşdə Səmədgilin batalyonu ermənilərin 1 ədəd BMP-2,1 ədəd T-55 və 3 ədəd T-72 tankını,90-a qədər əsgərini məhv ediblər. Ancaq düşmənin canlı qüvvəsi və texnikası qat-qat çox idi. Qeyri-bərabər döyüşdə Səməd və onun bir neçə silah yoldaşı qəhrəmancasına şəhid olur.
Səməd İsmyılovun nəşi doğulduğu Nehrəm qəsəbəsindəki Şəhidlər Xiyabanında torpağa tapşırılıb. Nehrəm kənd 1N-li tam orta məktəbi qəhrəman şəhidin adını daşıyır. Nehrəm qəsəbəsindəki şəhidlərin xatirəsinə ucaldılmış abidə kompleksində şəhidin büstü qoyulub.