Mehdiyev Bəşir Yusif oğlu 1977-ci il iyun ayının 9-da Naxçıvan şəhərində anadan olmuşdur. 1994-cü ildə Naxçıvan şəhərindəki 39 nömrəli (indiki 15 nömrəli) orta məktəbi bitirmişdir. 2000-ci ildə Naxçıvan Dövlət Universitetini bitirmişdir. 2001-ci ildə Naxçıvan şəhər Hərbi Komissarlığından Ağdam döyüş bölgəsinə xidmətə göndərilmişdir. Xidməti borcunu yerinə yetirərkən 2001-ci il iyun ayının 17-də şəhidlik zirvəsinə ucalmışdır. Naxçıvan şəhərindəki Şəhidlər Xiyabanında dəfn olunmuşdur.