Mirzəyev  Fərhad  Səyyad  oğlu  1972-ci  il aprel ayının 17-də   Azərbaycanımızın  dilbər  güşələrindən  olan  Naxçıvan  Muxtar  Respublikasının  Şərur  rayonun  Püsyan kəndində  anadan  olmuşdur. Fərhad  Mirzəyev  1978-ci  ildə Şərur  rayon  Məmməd  Əsgərov  adına  Püsyan  kənd   orta  mətkəbinin  1-ci  sinfinə daxil olur. 1988-ci  ildə  həmin  məktəbin  XI  sinfini  bitirir.  1990-cı   ildə  vətənin  odlar  içində  yandığı  dövürdə  Fərhad  da  öz  vətən  borcunu yerinə  yetirmək  üçün  həqiqi  hərbi xidmətə  yollanır.  Naxçıvan  Muxtar  Respublikası  “N” saylı  hərbi   hissəsində  hərbi  xidmətə  başlayır. Bu  dövrdə   “Qarabağ” da  vətənin  bütövlüyü  və  suverenliyi  uğrunda  gedən  döyüşlər  Naxçıvanda  da  təsirsiz  ötüşməyib. İgidlər  oylağı , ərənlər  diyarı  Naxçıvan  özünün  igid  oğulları  ilə  birgə  düşmən  təcavüzünün, düşmən  təxribatının  qarşısını  almaq  üçün səfərbər  olmuşdular. Keçilməz  qala  Sədərəkdə gedən  döyüşlərdə  Fərhad  da  öz  döyüş  yoldaşları  ilə  birlikdə  vuruşurdu. Vətənpərvərliyi, cəsarəti  və  əzimkarlığı  ilə  komandirlərinin  və  yoldaşlarının  böyük  rəğbətini  qazanmışdır. Düşmənə  bir  qarış  torpaq  verməkdənsə  öz  şirin  canlarını  verən  vətənin  qeyrətli  oğullarından  biri  də məhz  elə  Fərhaddır.

Fərhad  Azərbaycan  Respublikasının  ərazi  bütövlüyü, suverenliyi  uğrunda  gedən  döyüşlərdə  düşmən  təxribatının  qarşısını  alarkən 1992- ci  il  may ayının  19-da  qəhrəmancasına şəhid  olmuşdur.

Şəhid Mirzəyev Fərhad Səyyad oğlunun nəşi Naxçıvan şəhər Şəhidlər xiyabanında dəfn edilmişdir.