Seyidov İlkin Mirnəzir oğlu 1969-cu il sentyabrın 23-də Şərur rayonunun İbadulla kəndində anadan olmuşdur. Naxçıvan şəhərindəki 5 nömrəli orta məktəbi bitirdikdən sonra Uzaq Şərqdə -Xasan gölü ətrafında hərbi xidmətdə olmuşdur. Hərbi xidmətdən qayıtdıqdan sonra Naxçıvan MR Daxili İşlər Nazirliyinin Xüsusi Təyinatlı Polis Dəstəsinə qəbul edilmiş, bölmə komandiri vəzifəsinədək yüksəlmişdir.19 may 1992-ci ildə Ucubiz dağı uğrunda döyüşdə qəhrəmanlıqla şəhid olmuşdur. Naxçıvan şəhərindəki Şəhidlər xiyabanında dəfn olunmuşdur.