Xəlilli Murad Vəli oğlu 1994-cü il iyulun 14-də Şərur rayonunun Çomaxtur kəndində anadan olub. Təhsilini Çomaxtur kənd tam orta məktəbində almışdır. Azərbaycan Ordusunun xüsusi təyinatlısı kiçik çavuşu Murad Xəlilli 2020-ci il sentyabrın 27-də Azərbaycan Respublikası Silahlı Qüvvələri tərəfindən erməni işğalı altında olan torpaqlarımızın azad edilməsi və Azərbaycan Respublikasının ərazi bütövlüyünün bərpa olunması üçün başlanan Vətən Müharibəsində, oktyabrın 30-da Xocavənd rayonu uğrunda gedən döyüşlərdə qəhrəmancasına şəhid olmuşdur.

Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti, Müzəffər Ali baş Komandan  İlham Əliyevin müvafiq Sərəncamları ilə Murad Xəlilli ölümündən sonra "Vətən uğrunda", "İgidliyə görə", "Şuşanın azad olunmasına görə", "Füzulinin azad olunmasına görə" və "Xocavəndin azad olunmasına görə"  medalları ilə təltif edilmişdir.

Vətənə əmanət 1 övladı vardır. Şəhid Xəlilli Murad Vəli oğlunun nəşi Şərur şəhər Şəhidlər Xiyabanında dəfn olunmuşdur.