2026-cı ilin sentyabr ayı ərzində Naxçıvan Muxtar Respublikası Ekologiya və Təbii Sərvətlər Nazirliyi yanında Dövlət Ekoloji Təhlükəsizlik Xidməti və Hidrometeorologiya Mərkəzinin əməkdaşları tərəfindən Naxçıvan şəhəri və rayonlarda növbəti planlı ekoloji monitorinqlər həyata keçirilib.
Monitorinqlər zamanı atmosfer havasının keyfiyyəti, radioaktiv fon, ətraf mühitə təsir göstərən fiziki amillər, elektromaqnit şüalanması, səs-küy və vibrasiya üzrə müvafiq ölçmə və təhlillər aparılıb.
Aparılan ölçmə və təhlillərin nəticələrinə əsasən, monitorinq keçirilən ərazilərdə qeydə alınmış göstəricilərin müəyyən edilmiş ekoloji norma və standartlara uyğun olduğu müəyyən edilib.
Monitorinqlərin əsas məqsədi ətraf mühitin mövcud vəziyyətinin qiymətləndirilməsi, təbii və antropogen təsirlərin müəyyənləşdirilməsi, ekoloji risklərin vaxtında aşkarlanması və qabaqlayıcı tədbirlərin görülməsidir.
Sistemli monitorinq və nəzarət tədbirləri regionda ekoloji təhlükəsizliyin təmin olunmasına, ətraf mühitin mühafizəsinə və sağlam ekoloji mühitin qorunmasına xidmət edir.
Naxçıvan şəhəri və rayonlarda ekoloji monitorinqlər keçirilib
01.10.2026, 05:29
