Biomüxtəliflik

Bioloji müxtəliflik - yer üzərində bütün canlıların - mikroorqanizm, bitki və heyvanların müxtəlifliyi deməkdir. Bildiyimiz kimi Respublikamız biomüxtəliflik baxımından dünyada zəngin ölkələrdən biridir. Ərazilərimizdə faunanın 18 min növü, məməlilərin 97, quşların 357, balıqların 100-ə yaxın, amfibiya və reptiliyaların 67 növ və yarımnövü, həşəratların isə 15 minə yaxın növünü özündə cəmləşdirir ki, bunların da ümumilikdə 60 faizdən çoxu muxtar respublika ərazisində yayılmışdır.

Meşələr

Naxçıvan Muxtar Respublikası özünəməxsus təbii şəraiti, oroqrafiyası, torpaq örtüyü və bitkilər aləmi ilə fərqlənən tipik dağlıq ölkədir. Regionun kəskin kontinental iqlimə malik olması, yağıntının azlığı, havanın quraq, yay və payız aylarının yağıntısız və isti keçməsi, qışın soyuqluğu, sutkada və fəsillər arasında temperatur amplitudunun yüksək olması burada bitki örtüyünün formalaşmasına güclü təsir göstərmiş, zəif, kserofit tipli bitkilərin inkişafına səbəb olmuşdur. Bu amillər təkcə ərazinin düzənlik və dağətəyi hissələrində deyil, həm də yüksək dağlıq sahənin bitki örütüyünə də təsir göstərmişdir.

Hidrometeorologiya

Hidrometeroloji müşahidələrin təşkilini, aparılmasını, proqnozlar və xəbərdarlıqların hazırlanmasını və yayımlanmasını təmin etmək; Naxçıvan Muxtar Respublikasının ərazisində, atmosferin yüksək təbəqələri də daxil olmaqla hidrometeoroloji hadisələr və prosesləri öyrənmək, təhlil etmək və proqnozlaşdırmaq; Hidrometeorologiyanın inkişaf etdirilməsi istiqamətində proqram və layihələr hazırlamaq;

Geologiya

Azərbaycan Respublikasının Nazirlər Kabinetinin 2018-ci il 23 iyul tarixli 551s nömrəli Sərəncamının (“Yerin təkindən istifadə olunmasının, onun mühafizəsi və idarə edilməsi mexanizmlərinin təkmilləşdirilməsi, bu sahəyə dövlət nəzarətinin gücləndirilməsi tədbirləri haqqında” Azərbaycan Respublikası Prezidentinin 2018-ci il 16 iyul tarixli 205 nömrəli Fərmanının icrasını təmin etmək məqsədilə) 3.5-ci bəndinin birinci “Yer təkinin geoloji öyrənilməsinə dair dövlət proqramının layihəsinin təqdim olunması” hissəsinin icrası məqsədi ilə “Yer təkinin 2019-2023-cü illərdə geoloji öyrənilməsinə dair Dövlət Proqramı”nın layihəsi hazırlanmışdır.

Yasaqlıqlar

Azərbaycanda ilk yasaqlıq 1961-ci ildə yaradılmışdır. Naxçıvan Muxtar Respublikasında isə 2005-ci ildə Arazboyu, 2009-cu ildə Arpaçay Dövlət Təbiət Yasaqlıqları yaradılmışdır.

Milli Parklar

Akademik Həsən Əliyev adına Zəngəzur Milli Parkı Azərbaycan Respublikası Prezidentinin 2003-cü il 16 iyun tarixli 1249 nömrəli Sərəncamı ilə Naxçıvan Muxtar Respublikasının Ordubad rayonunun inzibati ərazisində yaradılmışdır.