20 oktyabr – 20 noyabr tarixlərini əhatə edən “Uşaq hüquqları aylığı” çərçivəsində Naxçıvan Dövlət Universitetinin nəzdində Naxçıvan Musiqi Kollecinin tələbələri ilə maarifləndirici görüş keçirilib.
Görüş zamanı tələbələrə ekoloji hüquqlar, ətraf mühitin mühafizəsi, təbiətdən səmərəli istifadə və bu sahədə hər kəsin üzərinə düşən məsuliyyət barədə məlumat verilib. Təbiətin musiqi və incəsənət üçün ilham mənbəyi olması, onun gözəlliklərinin qorunmasının əhəmiyyəti də diqqətə çatdırılıb.
Maarifləndirici görüşün məqsədi gənclərin ekoloji biliklərini artırmaq, onlarda təbiətə qayğıkeş münasibət formalaşdırmaq və ətraf mühitin mühafizəsində fəal iştiraklarını təşviq etməkdir.
“Uşaq hüquqları aylığı” çərçivəsində Musiqi Kollecinin tələbələri ilə ekoloji hüquqlarla bağlı görüş keçirilib
19.11.2026, 09:40






