Azərbaycan dövləti müstəqilliyini əldə etdikdən sonra tarixdə ilk dəfə olaraq öz milli təbii sərvətlərinin sahibi olmuşdur və bu sərvətlərdən öz istədiyi kimi istifadə etməyə başlamışdır.
Heydər Əliyev
Azərbaycan Respublikası
Tibbi tullantıların idarə olunmasına dair tədbir keçirilib
Naxçıvan Muxtar Respublikası Ekologiya və Təbii Sərvətlər Nazirliyinin və Səhiyyə Nazirliyinin birgə təşkilatçılığı ilə Tibbi tullantıların idarə olunmasına dair tədbir keçirilib.
Tədbirdə Azərbaycan Respublikası Nazirlər Kabinetinin "Tibbi tullantıların idarə olunmasına dair tələblər" haqqında 213 nömrəli Qərarına uyğun olaraq muxtar respublikada fəaliyyət göstərən tibb müəssisələrində qanunvericiliyin tələblərinin tətbiqi və aparılan reyd yoxlamaların nəticələri, tibbi tullantıların çeşidlənməsinin əhəmiyyəti, mövcud ekoloji problemlər və həlli yolları haqqında çıxışlar edilib.
Həmçinin səhiyyə müəssisələrində tibbi tullantıların idarə olunmasında aşkar edilmiş nöqsanlar və mövcud qanunvericiliyin tələblərinin pozulmasının qarşısının alınması məqsədi ilə birgə təlimlərin keçirilməsinin vacibliyi vurğulanıb.
Tədbirin sonunda tibbi tullantıların idarə olunması məqsədilə birgə komissiyanın yaradılması və monitorinqlərin keçirilməsi haqqında fikir mübadiləsi aparılıb.
