Azərbaycan dövləti müstəqilliyini əldə etdikdən sonra tarixdə ilk dəfə olaraq öz milli təbii sərvətlərinin sahibi olmuşdur və bu sərvətlərdən öz istədiyi kimi istifadə etməyə başlamışdır.
Heydər Əliyev
Azərbaycan Respublikası
Davamlı inkişafa nail olmaqda ekoloji təhsilin mühüm rolunu vurğulamaq, təbiətə qarşı məsuliyyətli yanaşmanı təşviq etmək, mövcud ekoloji problemlər, ətraf mühitin vəziyyəti haqqında əhalini məlumatlandırmaq məqsədilə hər il 15 aprel tarixi Ekoloji Bilik Günü kimi qeyd olunur.
1992-ci ildə Rio-de-Janeyroda keçirilən BMT-nin Ətraf Mühit və İnkişaf üzrə Konfransı (Rio Sammiti) dünyanın ekoloji problemlərinə qlobal diqqətin yönəldilməsində dönüş nöqtəsi olmuşdur. Məhz bu konfransdan sonra bir çox ölkələrdə davamlı inkişaf və ekoloji maarifləndirmə istiqamətində mühüm addımlar atılmışdır.
Bu əlamətdar gün ekoloji savadlılığın artırılması, ətraf mühitə qarşı məsuliyyətli münasibətin formalaşdırılması baxımından xüsusi əhəmiyyət daşıyır.
🍃Təbiət bizə əmanətdir!
Davamlı inkişaf, sağlam həyat və yaşıl gələcək üçün ekoloji maarifləndirməyə önəm verək.
