Azərbaycan dövləti müstəqilliyini əldə etdikdən sonra tarixdə ilk dəfə olaraq öz milli təbii sərvətlərinin sahibi olmuşdur və bu sərvətlərdən öz istədiyi kimi istifadə etməyə başlamışdır.
Heydər Əliyev
Azərbaycan Respublikası
“Otlaq və örüş sahələri: Tanıyaq. Dəyər verək. Bərpa edək.” mövzusunda Şahbuz rayonunun "Qonaqgörməz" yaylağında yaylaq istifadəçiləri və fermerlərlə maarifləndirici görüş keçirilib.
Görüş zamanı Akademik Həsən Əliyev adına Zəngəzur Milli Parkının əməkdaşları yaylaqçılarla yay otlaq sahələrindən düzgün və səmərəli istifadə, təbii ekosistemlərin qorunması, otlaq yükünün tənzimlənməsi, yanğın təhlükəsizliyi qaydaları və mövsümi risklər barədə maarifləndirici söhbətlər aparıblar. Eyni zamanda təsərrüfat sahiblərinin qarşılaşdıqları çətinliklər və onları narahat edən məsələlər dinlənilib, qaldırılan problemlərin həlli istiqamətində müvafiq qeydlər aparılıb.
Qeyd edək ki, bu cür maarifləndirici görüşlərin keçirilməsində əsas məqsəd yay otlaq sahələrindən səmərəli və davamlı istifadənin təşviqi, təbii sərvətlərin mühafizəsi, ekoloji maarifləndirmənin gücləndirilməsi və yaylaq istifadəçilərinin məsuliyyətli təsərrüfat fəaliyyətinə təşviq edilməsidir.
