Babayev Cəfər  Adil oğlu  27 dekabr 1978-ci ildə Şərur rayon Yuxarı Aralıq kəndində anadan olmuşdur. 1984-ci ildə Aralıq kənd tam orta məktəbinin 1-ci sinfinə daxil olmuşdur. 1995-ci ildə Aralıq kənd orta  məktəbinin 11-ci sinfini bitirmişdir.

     Orta məktəbdə oxuduğu illərdə hərbi dərsə olan marağı ilə digər şagirdlərdən həmişə fərqlənmişdir. Məktəbdə fəaliyyət göstərən "Şahinlər" hərbi-idman komandasının ən fəal üzvlərindən idi.

  2003-cü ildə həqiqi hərbi xidmətə çağırılmış və Babək rayonunun Gərməçataq kəndində hərbi xidmət etmişdir. Hərbi xidmətə başladıqdan üç ay sonra sərhəddə keşik çəkdiyi zaman erməni kəşfiyyatçıları tərəfindən snayperlə vurularaq şəhid edilmişdir.

          Babayev Cəfər  Adil oğlunun nəşi 2003-cü il iyulun 17-də doğma kəndinə gətirilmiş, Aralıq kənd qəbiristanlığında əsgər yoldaşları və kənd ictimaiyyətinin iştirakı ilə şəhid Oktay Məmmədovun məzari ilə yanaşı dəfn edilmişdir.