Şəhid Cavadov Əli Həsən oğlu 1975-ci il yanvar ayının 17-də Şərur rayon Yengicə kəndində anadan olmuşdur. Əli Cavadov Yengicə kənd məktəbində təhsil almışdır. Məktəb yaşlarında idmanla məşğul olmuşdur.  Şəhid Əli Cavadov hərbi xidmətini Goran batolyonunda etmişdir. Hərbi xidmətini tankçı olaraq yerinə yetirmişdir. Əli bir neçə ağır döyüş əməliyyatlarında iştirak etmiş, cəsarəti, qorxmazlığı ilə seçilmişdir.  1993-cü ilin sonu,  1994-cü ilin əvvəllərində ermənilər ruslarla birlikdə bir neçə istiqamətdə torpaqlarımıza hücum etdilər. Əli Cavadovun batolyonu torpaqlarımızı layiqincə müdafiə etdilər. Döyüşlərdə yaxşı iştirakına görə şəhid Əli Cavadova qızıl saat hədiyyə edilmişdir. 1994-cü il yanvarın 27-də ermənilər Füzuli rayonunun Qaraxanbəyli kəndi istiqamətində hücuma keçdilər.  Əli Cavadovun olduğu batolyon da döyüşlərdə iştirak etdilər. Bu döyüş Əli Cavadovun son döyüşü oldu. O həmin tarixdə itkin düşdü. Əlinin itkin düşməsinə döyüş yoldaşları və komandiri inana bilmirdilər. Çünki döyüşdən əvvəl Şəhid  17 yanvar tarixində doğum gününü qeyd etmişdir.