Əhmədov Mərhəmət Adil oğlu 14 may 1991-ci ildə Şərur rayonunun Oğuz kəndində anadan olub.

Tam orta təhsilini Aşağı Daşarx kənd tam orta məktəbində alan Mərhəmət 2009-2010-cu illərdə həqiqi hərbi xidmətdə olmuşdur. 2019-cu ildə müddətdən artıq həqiqi xidmət qulluqçusu olaraq orduda xidmətə başlamışdır. Azərbaycan Ordusunun Xüsusi Təyinatlısı Əhmədov Mərhəmət Adil oğlu 2020-ci il sentyabrın 27-də Azərbaycan Respublikası Silahlı Qüvvələri tərəfindən erməni işğalı altında olan torpaqlarımızın azad edilməsi və Azərbaycan Respublikasının ərazi bütövlüyünün bərpa olunması üçün başlanan Vətən Müharibəsi zamanı Xocavənd rayonunun azadlığı uğrunda gedən döyüşlərdə iştirak edərək Əhmədov Mərhəmət Adil oğlu 25 oktyabr 2020-ci ildə qəhramancasına şəhid olmuşdur.

Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti, Müzəffər Ali baş Komandan  İlham Əliyevin müvafiq Sərəncamları ilə Əhmədov Mərhəmət Adil oğlu ölümündən sonra 3-cü dərəcəli “Vətənə ximətə görə” ordeni, “Vətən uğrunda”, “Xocavəndin azad olunmasına görə”, “Hərbi xidmətlərə görə”, “Şuşanın azad olunmasına görə” medalları ilə təltif edilmişdir.

Şəhid Əhmədov Mərhəmət Adil oğlunun nəşi Şərur şəhər Şəhidlər Xiyabanında dəfn olunmuşdur.

Şəhidimizin vətənə əmanət 2 övladı vardır.