Fərəcov Asəf Təvəkkül oğlu 28 sentyabr 1966-cı ildə Şərur rayon Yuxarı Daşarx kəndində anadan olmuşdur. 11 övladlı ailədə böyüyən Asəf 1983-cü ildə Yuxarı Daşarx kənd tam orta məktəbini bitirmişdir.

         Erməni qəsbkarlarının hücumlarının qarşısının alınması uğrunda Sədərək və Havuş kəndləri istiqamətində gedən döyüşlərdə iştirak etmişdir. 1994- cü ilin aprel ayında təhsil aldığı İnstituta yazı işlərini vermək üçün Bakı şəhərinə getmişdir. Həmin tarixdən könüllü olaraq Qarabağa yollanır.  Bakı şəhər Nəsimi rayon Hərbi komissarlığı tərəfindən “Seyfəlli” hazırlıq mərkəzinə göndərilmişdir. Döyüş yoldaşlarının  dediklərinə görə Asəf Fərəcov aprel ayının 26-dan, may ayının 6-na kimi gedən davam edən şiddətli döyüşlərdə mərdliklə vuruşmuşdur.

         May ayının 8-də Tərtər rayonunda gedən döyüşlərdə Asəf Fərəcov şəhid olmuşdur. 

Asəf Fərəcovun nəşi Yuxarı Daşarx kənd qəbirstanlığında dəfn olunmuşdur.

Şərur rayon XDM-ni İcrayyə Komitəsinin 21 İyul 1994-cü il qərarı  ilə Yuxarı Daşarx kənd tam orta məktəbi Asəf Fərəcovun adı verilmişdir. Məktəbin qarşısında büstü qoyulmuşdur.