Hümbətov   Həsən    Mahir   oğlu   9   fevral   1975-ci  ildə   Naxçıvan  Muxtar   Respublikasının  Şərur   rayonun   Maxta  kəndində   anadan  olmuşdur. 1981-ci  ildə  Maxta   kənd  tam  orta  məktəbinin  1–ci sinifinə   daxil  olmuş, 1992-ci  ildə   həmin  məktəbin   11-ci  sinifini  bitirmişdir. 

1993-cü  ilin  oktyabr   ayının   1-də  könüllü  olaraq  ordu  sıralarına  qoşulmuşdur. İlk  karantin   müddətini  “N”  saylı  hərbi  hissədə  başa  vurmuşdur.  Bu  vaxt ərzində   Qarabağda  qızğın  döyüşlər   getdiyindən   hərbi  hissə  Ağdam  rayonuna   köçürülüb.  1994-cü  il  27-si  aprel  tarixində  Ağdam  rayonunun  Aşağı  Qərvənd   kəndi  uğrunda  gedən   şiddətli   döyüşlərdə   şəhidlik   zirvəsinə   ucalmışdır.

Hümbətov   Həsən    Mahir   oğlu nun nəşi 30  aprel    1994-cu  ildə  Şərur  şəhər   Şəhidlər   Xiyabanında   dəfn   edilmişdir.