Aqil Məmməd oğlu Hüseynov 16.07.1970-ci ildə  Kəngərli rayonu Şahtaxtı kəndində anadan olmuşdur. 1977-1987-cı illərdə Şahtaxtı kənd orta məktəbində təhsil alıb. Orta məktəbi bitirdikdən sonra Bakıda texniki peşə məktəbində təhsil almışdır. 1988-1990-cı illərdə  Sovet ordusunda artilleriyaçı kimi həqiqi hərbi xidmətdə olmuşdur. Qarabağ döyüşlərində də təcrübəli artilleriyaçı kimi iştirak etmişdir. Aqil Hüseynov əvvəlcə Ağdərədə gedən şiddətli döyüşlərdə iştirak etmiş və orada ağır yaralanmışdır. Sağaldıqdan sonra yenidən cəbhəyə qayıtmış, Füzuli rayonu uğrunda gedən döyüşlərdə qəhrəmancasına şəhid olmuşdur. Şahtaxtı kənd qəbiristanlığında dəfn olunmuşdur.