Şəhid İsgəndərov Nizam Vasif oğlu  31 oktyabr 1975 – ci ildə Şərur rayon Xələc kəndində anadan olmuşdur. 1982- ci ildə Şərur rayon Xələc kənd tam orta məktəbinin I sinfinə daxil olmuş, 1990-cı ildə məktəbin IX sinfini bitirmişdir. 1990-cı ildə Azərbaycan Tibb Universitetinin Kimya – Biologiya təmayüllü liseyinə daxil olmuş 1992- ci ildə həmin liseyi bitirmişdir.

Şəhid İsgəndərov Nizam 1993- cü ildə həqiqi hərbi xidmətə çağrılmışdır. 1993-1995–ci ilərdə Bakı şəhərində hərbi   xidmətdə olmuş, xidmətdə fərqləndiyinə görə kiçik çavuş rütbəsi verilmişdir. 1995 –ci  ildə könüllü olaraq  ön cəbhəyə Beyləqan rayonun düşmənlə  üz–üzə  yerləşən sərhəd postlarında xidmətini davam etdirmişdir. Şəhid İsgəndərov Nizam 1996-cı il noyabr ayının 29-da gecə vaxtı sərhəddə xidməti vəzifəsini yerinə yetirərkən minaya düşmüş və şəhidlik zirvəsinə ucalmışdır.

Şəhid İsgəndərov Nizam Vasif oğlunun nəşi Şərur şəhər Şəhidlər Xiyabanında  dəfn olunmuşdur.