Mədətli Zülal  Rəhim oğlu 1991- ci il avqustun 14-də Şərur rayon Çomaxtur kəndində anadan olub.

Orta təhsilini Çomaxtur kənd tam orta məktəbində almışdır. Zülal hələ məktəb illərindən öz yaşıtlarından vətənpərvərliyi, igidliyi və qorxmazlığı ilə seçilirdir.
Azərbaycan Ordusunun xüsusi təyinatlısı müddətdən artıq həqiqi hərbi xidmət qulluqçusu Zülal Mədətli  2020-ci il sentyabrın 27-də Azərbaycan Respublikası Silahlı Qüvvələri tərəfindən erməni işğalı altında olan torpaqlarımızın azad edilməsi və Azərbaycan Respublikasının ərazi bütövlüyünün bərpa olunması üçün başlanan Vətən Müharibəsində, oktyabrın 19-da Xocavənd rayonu uğrunda gedən döyüşlərdə qəhrəmancasına şəhid olmuşdur.

Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti, Müzəffər Ali baş Komandan  İlham Əliyevin müvafiq Sərəncamları ilə Zülal Mədətli ölümündən sonra 3-cü dərəcəli “Vətənə xidmətə görə“ ordeni,  "Vətən uğrunda", “Hərbi xidmətlərə görə” "Şuşanın azad olunmasına görə" və "Xocavəndin azad olunmasına görə"  medalları ilə təltif edilmişdir.

Vətənə əmanət 2 övladı vardır. Şəhid Mədətli Zülal  Rəhim oğlunun nəşi Şərur şəhər Şəhidlər Xiyabanında dəfn olunmuşdur.