Məhərrəmov Mayis Füzuli oğlu 14 iyun 1982-ci ildə Naxçıvan şəhərində dünyaya göz açmışdır. 1988-1999-cu illərdə Naxçıvan Qarnizonunun orta məktəbində təhsil almışdır. 2000-2002-ci illərdə həqiqi hərbi xidmətdə olmuşdur. 2002-ci ilin may ayından müddətdən artıq həqiqi hərbi xidmət qulluqçusu kimi xidmət etmişdir. Azərbaycan Respublikasının Silahlı Qüvvələri tərəfindən  2023-cü ilin 19 sentyabrında həyata keçirilmiş lokal xarakterli antiterror əməliyyatları zamanı Xocavənd rayonunun Çartar kəndində şəhid olmuşdur. Azərbaycan Respublikası Silahlı Qüvvələrinin hərbi qulluqçusu Məhərrəmov Mayis Füzuli oğlu ölümündən sonra Azərbaycan Respublikasının Prezidenti İlham Əliyev tərəfindən 3-cü dərəcəli "Vətənə xidmətə görə" ordeni və "Vətən uğrunda" medalı ilə təltif olunmuşdur. 

Məhərrəmov Mayis 26 sentyabr 2023-cü ildə Babək rayonunun Şıxmahmud kənd qəbiristanlığında dəfn olunmuşdur.