Məmmədov Faiq Yaqub  oğlu   1 iyun   1973-cü  ildə  Naxçıvan  Muxtar  Respublikasının  Şərur  rayonun  Çərçiboğan kəndində  anadan  olmuşdur.  1981-ci  ildə  Çərçiboğan  kənd  tam  orta   məktəbinin  1-ci  sinfinə daxil  olmuşdur. 1988-ci   ildə  orta  məktəbin  8-ci  sinfini bitirməklə  natamam  orta  təhsil  almışdır.  1992-ci  ilin  mart  ayında  Şərur  rayonunun  Hərbi  komissarlığı tərəfindən həqiqi  hərbi  xidmətə  çağrılmışdır. Hərbi  xidmətinin ilk  ayını  Naxçıvan  Muxtar  Respublikasının  Culfa   rayonunda, bir  neçə  aydan  sonra  isə  Sədərək  rayonunda  hərbi  xidmətini  davam  etdirmişdir. 18  may   1994-cü  ildə  gedən  ağır  döyüşlər  zamanı qəhrəmancasına şəhidlik zirvəsinə ucalmışdır.

Şəhid Məmmədov Faiq Yaqub  oğlunun nəşi  Naxçıvan şəhər Fəxri Xiyabanda dəfn edilmişdir.