Mirzəliyev Bağır Hacı oğlu 1973-cü ildə Babək rayon Nehrəm kəndində anadan olub. 1991-ci ildə Babək rayon hərbi komisarlığından hərbi xidmətə çağırılıb və yeni yaranmış Azərbaycan Ordusunda vətəni qorumağa başlayıb. Bağır Mirzəliyev xidməti müddətində müxtəlif hərbi hissələrdə qulluq etmişdir.
24 fevral 1995-ci ildə xidməti vəzifəsini yerinə yetirərkən Mirzəliyev Bağır Hacı oğlu şəhid olmuşdur. Şəhidin nəşi Nehrəm qəsəbəsi şəhidlər qəbristanlığında torpağa tapşırılıb. Nehrəm qəsəbəsində şəhidlərin xatirəsinə ucaldılmış abidə kompleksində şəhid Mirzəliyev Bağır Hacı oğlunun da büstü var.