Qənbərli Elton Baba oğlu 1997-ci il fevralın 1-də Şərur rayonunun Ələkli kəndində anadan olub. 

İlk təhsilini Ələkli kənd tam orta məktəbində alan Elton 2011-2014-cü illərdə Heydər Əliyev adına Hərbi liseydə təhsilini davam etdirmişdir. 2014-2018-ci illərdə Heydər Əliyev adına Azərbaycan Ali Hərbi Məktəbində ali hərbi təhsilə bitirərək leytenant hərbi rütbəsi almışdır. Elton qəhrəmanlığ ilə seçilən bir oğul idi. O, bir çox hərbi kurslarda olmuş və yüksək naliyyətlər qazanmışdır. Həmin kurslardan biridə “SAT” (Su Altı Taruz) kursu olmuşdur ki, Elton 176 nəfər ilə kursa qatılaraq kursun sonunda seçilən 8 nəfərdən biri olmuşdur. Azərbaycan Ordusunun leytenantı olan Qənbərli Elton 2020-ci il sentyabrın 27-də Azərbaycan Respublikası Silahlı Qüvvələri tərəfindən erməni işğalı altında olan torpaqlarımızın azad edilməsi və Azərbaycan Respublikasının ərazi bütövlüyünün bərpa olunması üçün başlanan Vətən Müharibəsi zamanı Xocavənd rayonunun azadlığı uğrunda gedən döyüşlərdə iştirak edərək oktyabrın 19-da qəhramancasına şəhid olmuşdur.

Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti, Müzəffər Ali baş Komandan  İlham Əliyevin müvafiq Sərəncamları ilə Qənbərli Elton ölümündən sonra “Azərbaycan Bayrağı” ordeni, “Vətən uğrunda” medalı“, Döyüşdə fərqəlnməyə görə”, “Cəbrayılın azad olunmasına görə” medalı, “Xocavəndin azad olunmasına”görə”, “Füzulinin azad olunmasına görə” medalları ilə təltif edilmişdir.

Şəhid leytenant Qənbərli Eltonun nəşi Şərur şəhər Şəhidlər Xiyabanında dəfn olunmuşdur.