Salahov Sərxan Həsənqulu oğlu 1991-ci il mart ayının 1-də, Şərur rayonunun Ələki kəndində anadan olub.

Orta təhsilini Ələkli kənd tam orta məktəbində alan Sərxan 2009-2011-ci illərdə həqiqi hərbi xidmətdə olmuşdur. Xidməti dövründə nizam-intizamı ilə seçilən Sərxan komandirləri tərəfindən dəfələrlə təşəkkürnamələr almışdır. 2020-ci ildə müddətdən artıq həqiqi xidmət qulluqçusu olaraq orduda xidmətə başlamışdır. Azərbaycan Ordusunun Xüsusi Təyinatlısı Salahov Sərxan 2020-ci il sentyabrın 27-də Azərbaycan Respublikası Silahlı Qüvvələri tərəfindən erməni işğalı altında olan torpaqlarımızın azad edilməsi və Azərbaycan Respublikasının ərazi bütövlüyünün bərpa olunması üçün başlanan Vətən Müharibəsi zamanı Şuşa şəhərinin azadlığı uğrunda gedən döyüşlərdə iştirak edərək 28 oktyabr tarixində yaralanaraq hospitala yerləşdirilən Sərxan yoldaşlarının döyüşdə olmasından narahat olaraq müalicəsini yarım qoyaraq yenidən döyüşlərə qatılır və 02 noyabr 2020-ci ildə qəhramancasına şəhid olmuşdur.

Azərbaycan Respublikasının ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti, Müzəffər Ali baş Komandan  İlham Əliyevin müvafiq Sərəncamları ilə Salahov Sərxan ölümündən sonra “Vətən uğrunda”, “Xocavəndin azad olunmasına görə”, “Füzulinin azad olunmasına görə” medalları ilə təltif edilmişdir.

Şəhid Salahov Sərxan Həsənqulu oğlunun nəşi Şərur şəhər Şəhidlər Xiyabanında dəfn olunmuşdur.

Şəhidimizin vətənə əmanət 2 övladı vardır.