Səfiyev Mahir Əhməd oğlu 1 dekabr 1975-ci ildə Şərur rayon Danzik (Danyeri) kəndində anadan olmuşdur. 1982-ci ildə Yenikənd (indiki Danyeri) kənd orta məktəbinin 1-ci sinfinə daxil olmuş, 1992-ci ildə həmin məktəbi bitirmişdir. 1994-cü ildə hərbi xidmətə yollanmış və 4 il vətənə xidmət etmişdir.

         Çavuş Səfiyev Mahir Əhməd oğlu 3-cü motoatıcı taborun 1-ci bölüyünün  1-ci  tağımında manqa komandiri kimi xidmətini davam etdirmişdir. Səfiyev Mahir əsl vətənpərvər, komandirlərin tapşırıqlarını layiqincə yerinə yetirən bir igid olmuşdur. 12 may 1997-ci il tarixdə “Soyuq” döyüş bölgəsində xidməti vəzifəsini yerinə yetirərkən mina patlaması nəticəsində həlak olmuşdur.

         Səfiyev Mahir Əhməd oğlunun nəşi Şərur  rayon Yenikənd (indiki Danyeri) kənd qəbristanlığında dəfn edilib.