Şəhid  Seyidov Mirhəşim Mirşəmil oğlu 20 may 1958 - ci ildə Şərur rayonun Oğlanqala kəndində anadan olub. 1965 - ci ildə Qafar Məmmədov adına Oğlanqala kənd orta məktəbinin birinci sinfinə daxil olub. 1975-ci ildə həmin məktəbi orta qiymətlərlə bitirib. 1977 - ci ildə həqiqi hərbi xidmətə çağırılmış, hərbi xidmətini keçmiş Sovet Ordusu sıralarında xidmət etmiş və döyüş texnikasını mükəmməl öyrənmişdir. 1979 - cu ildə hərbi xidməti başa vurduqdan sonra Maksim Qorki adına sovxozda gözətçi işləmişdir. 1983 - cü ildə ailə həyatı qurub həmin evlilikdən dörd (üç qız bir oğlan) övladı olub. Mirhəşim Seyidov I Qarabağ döyüşlərində könüllü olaraq iştirak etmişdir. Sədərək uğrunda gedən döyüşlərdə Mirhəşim Seyidov daha çox gözə çarpır, düşmənə daha ağır zərbələr endirirdi. 19 yanvar 1990-cı ildə Sədərək uğrunda gedən döyüşlər­də cəsarətlə döyüşmüş və şəhidlik zirvəsinə ucalmışdır.

20 yanvar 1990-cı ildə şəhidin nəşi Naxçıvan Muxtar Respublika­sının Şərur rayon Oğlanqala kəndinə gətirilmiş və Şərur rayon Şəhidlər Xiyabanında dəfn  olunmuşdur.