Süleymanov  Ələddin  Eldar  oğlu  05  oktyabr  1973-cü  ildə  Naxçıvan  Muxtar  Respublikasının  Şərur  rayon  Çərçiboğan kəndində  anadan  olmuşdur. 1980-ci ildə  Çərçiboğan  kənd  tam  orta   məktəbinin  1-ci  sinfinə daxil  olmuş, 1990-cı  ildə  həmin  məktəbi  bitirmişdir.  1992-ci  ilin  mart  ayında  Şərur  rayonunun  Hərbi  komissarlığı tərəfindən həqiqi  hərbi  xidmətə  çağrılmışdır. Bu  dövrdə   “Qarabağ” da  vətənin  bütövlüyü  və  suverenliyi  uğrunda  gedən  döyüşlər  Naxçıvanda  da  təsirsiz  ötüşməyib. İgidlər  oylağı, ərənlər  diyarı  Naxçıvan  özünün  igid  oğulları  ilə  birgə  düşmən  təcavüzünün, düşmən  təxribatının  qarşısını  almaq  üçün səfərbər  olmuşdular. Ələddin xidməti  dövründə  nizam- intizamı  ilə  fərqlənirdi.  Əlverişli   mövqenin  müdafiəsində hər  zaman  ayıq  sayıq  olan  Ələddin  komandirlərinin  və  döyüşçü  yoldaşlarının  rəğbətini  qazanmışdır. Hərbi  xidmətini  layiqincə  yerinə  yetirən  Ələddin  hər  zaman  düşmənə  layiqli  cavab  vermişdir.  24 mart 1992-ci  ildə şəhidlik zirvəsinə ucalmışdır.

Şəhid Süleymanov  Ələddin  Eldar  oğlunun nəşi Şərur rayon  Çərçiboğan kənd qəbirstanlığında dəfn olunmuşdur.