Nehrəmli Təyyarəçi -Vəliyev Yusif Yaqub oğlu .

Baş leytenant Vəliyev Yusif Yaqub oğlu 1968-ci il fevralın 14-də Nehrəm kəndində doğulub. 1985-ci ildə Nehrəm kənd orta məktəbini əla qiymətlərlə bitirib. 1985-1990-cı illərdə Riqa Ali Hərbi Aviasiya Akademiyasında təhsil alıb. Təhsilini başa vuran Yusif vətənin dar günündə vətəni Azərbaycana dönərək, doğulduğu Naxçıvan torpağında xidmət etməyə başlamışdır.

1992-ci ildə Vətən uğrunda gedən döyüşlərdə qəhrəmanlıq və şücayət nümünəsi göstərən Vəliyev Yusif Yaqub oğlu 1992-ci ilin mayın 12-də şəhidlik zirvəsinə ucalmışdır.

Yusif Vəliyev torpaqlarımızın müdafiəsində və Milli ordunun yaradılmasında göstərdiyi xidmətlər və təkbaşına apardığı mübarizə danılmaz bir həqiqətdir. Dar gündə vətənə dönməsi onun qəhrəmanlığının sübutudur. Bu addımı onu igidliyin ən bariz nümunəsinə çevirmişdir. Nehrəm kəndindən qanadlanan şahinimiz Vətənin səmasına yüksələrək elə bu ənginliklərdə də əbədiyyətə qovuşmuşdur. Qanadlarına tuş gələn düşmən gülləsi xalqın ürəyindən keçsə də, bu yara heç kəsi sarsıtmamış, əksinə, hər kəsin iradəsini, təpərini möhkəmlətmiş, mübarizəyə səsləmişdir. Xalqımız hər zaman Yusif kimi oğulları ilə fəxr etmiş və edəcəkdir. Yusif həmin gündən bəri həyat yoldaşı Arzu xanımın əsərlərinin baş qəhrəmanına çevrilmişdir.

Qəhrəmanın Nehrəm qəsəbəsindəki Şəhidlər Xiyabanında büstü qoyulub.